Home | Databases | WorldLII | Search | Feedback Supreme Court of Vanuatu

In re Estate of Daniel Loy [2010] VUSC 62; Probate Case 07 of 2009 (24 May 2010)

IN THE SUPREME COURT OF
THE REPUBLIC OF VANUATU
(Probate Division)

Probate Case No. 07 of 2009

IN THE ESTATE OF: DANIEL LOY
Deceased

BY:

SAKARAIA DANIEL
Applicant

AND:

SAUL LOY and PHILEMON LOY
Respondents

RULING

1. Kot I bin lukluk faswan long aplikesen blong Administresen blong apliken ia long namba 23 February 2010.
   
2. Long 23 February 2010 Kot I seftem hearing bakegen igo long namba 19 March 2010. Long date ia Kot hemi seftem hearing bakegen igo long 1 Aprel 2010. Afta 1 Aprel, Kot I seftem hearing bakegen igo long namba 7 May. Long namba 7 May Kot I seftem case igo long 24 May 2010.
   
3. Olgeta respondents oli bin stap long Kot nomo long 23 February 2010 bat long ol narafala days we Kot I sidaon long hem, olgeta ino bin stap.
   
4. Long today 24 May, tufala respondents ino stap long Kot. Kot I lukluk long wan Medical Report we hemi dated 19 May 2010 we Dr Warsal I saenem.
   
5. Apliken hemi object blong seftem hearing igo long narfala date. Hemi submittim long Kot se Medical Report hemi pruv se respondent Saul Loy hemi no capable blong tekem letters blong administration.
   
6. Kot hemi agri mo akseptem submisen ia.
   
7. Letters blong administration blong estate blong wan man we I ded hemi requirem wan fit mo healthy man. Letters blong administration hemi appointem man blong hemi responsible blong distribusen blong estate blong wan ded man. Hemi no min se man we tekem letter blong administration hemi tekem ova mo ownem ol property ia.
   
8. Folem incapacity blong respondent Saul Loy we Medical Report I soemaot, Kot hemi satisfy se only fit mo proper person blong Kot I grantem administration long hem long case ia hemi Sakaraia Daniel.
   
9. Kot hemi therefore mekem Order blong Administration blong estate blong late Daniel Loy blong hemi deal wetem mo distributem olgeta estates ia blong benefit blong evriwan we igat raet blong benefit long ol property ia folem kastom loa mo loa.
   
10. Hemia nao ruling blong Kot long case ia.
    

DATED at Luganville this 24th day of May 2010.

BY THE COURT

OLIVER A. SAKSAK
Judge