Home | Databases | WorldLII | Search | Feedback Aelan Kot blong Vanuatu

  Download original PDF

Nampas v Iohnamu [1984] VUICB 1; Land Case 01 of 1984 (13 September 1984)

TANNA ISLAND COURT

13/9/84
Lan Kes No.1/84

Nem blong kraon Lounapuas

Claimant 1 –
Willie Nampas
Simon Nuvou

Claimant 2 –
Tom Shem
Barnabas Narueng

Defendant - Sam Iohnamu

Jajmen:

Afta Kot i harem mo scalem evri toktok blong tri side, hemi mekem jajmen ia from kraon, nem blong em, Lounapus long Waisisi, Tanna Kot hemi lukim se rao from kraon ia hemi from bandri bitwin Willie Nampas, Simon Nuvou agensem Sam Iohnamu, mo i pulum Tom Shem wetem Barnabas Narueng ikam inside.

Kot i luk se Jack Naliu blong Latapu, em nao i seftem mak fastaem, emi muvum mak blong Latapu ikam inside long kraon blong Waisi Waisisi.

Defendant, Sam Iohnamu, Kot ink se hemi blong Latapu, mo hemi rong long side long kastom blong hemi livim Kawiamera blong tok long side long Nemerikwen.

Kot i luk se Willie Nampas wetem Simon Nuvou tufala i fight from land right blong evri pipol blong Waisisi, hemia afta Jack Naliu i seftem mark ikam inside long bikfala bandri blong ol pipol Waisisi.

Kot emi declarem se bikfala bandri bitwin Latapu mo Waisisi, hem bikfala creek we Tom Shem mo Barnabas Narueng istanap long em, hemia stat antap long ol stampa bamboo, folem creek iko long solwota ikasem stone, Nauka.

Court i declare se evri Claimant, Willie Nampas, Simon Nuvou, Tom Shem mo Barnabas Narueng, olgeta evriwan ikat raet long kraon inside long bikfala bandri blong Waisisi.

Court i putum bikfala bandri nomo we ikat rao from, be ol smol smol kraon inside long Waisisi, ol Jif blong ples ia i save lukluk long olgeta.

Defendant, Sam Iohnamu, Court i declarem se hemi mas livim kraon ia Latapunga iko bak long Latapu.